Jaso zure erosketa nahi duzunean
Merkatutik etxera
Barakaldoko Merkatuko armairu hozkailudunekin, zure erosketa fresko egongo da zain jasotzera pasa arte, ilararik eta presarik gabe. Aukeratu produktua, jaso zure armairuan eta atera merkatuaren ordutegian, hoztuta, izoztuta edo giro-tenperaturan. Merkatuan erostea inoiz ez da hain erraza eta malgua izan.
Zer da kabina hozkailudun bat?
Zure erosketa baldintza ezin hobeetan mantentzeko diseinatutako armairu adimendunen sistema bat da, jaso ahal izan arte. Kabina bakoitzak konpartimentu independenteak ditu, produktu bakoitzak behar duen tenperatura zehatza mantentzen dutenak: giroko tenperatura, hoztua (2 eta 8 °C artean) edo izoztua (−20 °C arte). Hala, fruta eta barazkiak, arrain freskoa, haragia edo produktu izoztuak erosi badituzu, dena postuan bertan jasoko bazenu bezalaxe iristen da zure eskuetara.
Gainera, armairu hauek higiene- eta aire-arazketa-sistemak dituzte, zure erosketa ingurune garbi eta seguru batean mantentzen dela bermatzeko.
Giro-tenperatura
Ogia, kontserbak, ozpinetakoak eta hotzik behar ez duen guztia.
Hoztua
Arrain freskoa, haragia, fruta, barazkiak eta urdaitegiko produktuak.
Izoztua
Produktu izoztua, postutik atera zen bezalaxe iristen dena.
Nola erabili kabinak?
Armairuak erabiltzea oso erraza da, edonork zailtasunik gabe egin ahal izateko pentsatuta.
Prozesu osoa azkarra, intuitiboa eta itxaronaldirik gabekoa izateko pentsatuta dago, urrats bakoitzean laguntzen dizun ukipen-pantaila argi batekin.
Egin zure eskaera merkatuko postuan edo erreserba-zerbitzuaren bidez.
Merkatariak zure erosketa prestatu eta esleitutako armairuan uzten du, produktuaren araberako tenperaturan.
Kode bat edo abisu bat jasoko duzu zure eskaera jasotzeko prest dagoenean.
Hurbildu kabinara ondo datorkizunean, gaituta dagoen ordutegian.
Sartu zure kodea ukipen-pantailan edo erabili adierazitako identifikazio-sistema.
Zure konpartimentuaren atea automatikoki irekiko da: jaso zure erosketa eta kito.
Hotz-katea osorik
Konpartimentu bakoitzak produktu bakoitzak behar duen tenperatura zehatza mantentzen du.
Ilararik eta presarik gabe
Merkatuaren ordutegian jasotzera pasatzen zara, ondoen datorkizunean.
Zuk bakarrik irekitzen duzu
Ukipen-pantailako kode pertsonal batek zure konpartimentua bakarrik irekitzen du.
Erosketa osoa batera
Erosi hainbat postutan eta jaso dena batera, gauza bakoitza bere tenperaturan.
Ohiko galderak
Zenbat denbora egon daiteke nire erosketa armairuan?
Zure erosketa armairuan geratzen da, bere tenperatura egokian, merkatuaren irekiera-ordutegian jasotzera pasa arte. Ez duzu kontserbazioaz kezkatu behar: sistemak produktu mota bakoitzak behar duen tenperatura konstante mantentzen du, postuak berak egingo lukeen bezala.
Zer gertatzen da nire eskaera jasotzerakoan arazoren bat badut?
Armairu bakoitzak ukipen-pantaila sinple bat du, prozesu osoan urratsez urrats gidatzen zaituena. Hala ere zalantzarik edo gorabeherarik baduzu, merkatuko langileak eskuragarri egongo dira irekiera-ordutegian laguntzeko, eta erosketa egin zenuen postura ere joan zaitezke zuzenean.
Edozein produktu motatarako erabil ditzaket armairuak?
Bai. Tenperatura-eremu desberdinei esker, armairuak erosketa mota guztietarako daude prestatuta: produktu fresko eta hoztuetatik hasi eta izoztuetaraino edo hotzik behar ez dutenetaraino. Hala, merkatuan erosketa osoa egin eta dena batera jaso dezakezu.
Baduka kosturik armairua erabiltzeak?
Galdetu zure konfiantzako postuan eskaera egitean: han emango dizute erreserba- eta jasotze-zerbitzuaren baldintzen berri.
Egin zure eskaera ezagutzen duzun postuan
Hitz egin zure konfiantzazko merkatariarekin: berak prestatzen du erosketa eta armairuan uzten du, behar duen tenperaturan.